تعليق شقيق شيرين على طلاقها من حسام حبيب

علق محمد عبد الوهاب، شقيق الفنانة شيرين عبد الوهاب، على طلاق شقيقته من زوجها الفنان حسام حبيب، مشيرا لكونه يتمنى لها الرجوع لجمهورها ونجاحها مرة أخرى.

كتب "عبد الوهاب" عبر حسابه على فيسبوك: "والله ولا كنت عايز أعلق على الموضوع أساسا ولا عايز أصلا يبقي ليا علاقة بأي حاجة، أنا بس المعلومة عندي من يومين وحبيت بس أكد و أفرح جمهورها والناس اللي بتحبها فقط".

نرشح لك: كاملة أبو ذكري توضح أسباب إعلانها الاعتزال

أضاف: "أنا مليش أي علاقة ولا قريب ولا عايز الحقيقة.. بحبها أوى روحي وعمرى وأختي الكبيرة وتاج راسي وخيرها عليا ولحم كتافي من خيرها وأمي التانية بعد أمي وباذن الله هترجع تاني تكسر الدنيا وتمتعنا بفنها و غناها وصوتها واحساسها اللي مفيش زيه في الكوكب كله".

أردف: "وبتمنالها كل خير من كل قلبي وتاخد بالها من ولادها سندها في الدنيا ونور عنيها، بس كل ده ممكن يحصل وأنا بعيد في حياتي وهي في حياتها.. وحياة أمي بحبها أوي بس والله الطاقه اللي عندي يدوب علي قد شوية الأمراض اللي جتلي والحمدلله على كده".

استطرد: "وأرجو من السادة الصحفيين فضلاً وليس امراً أنا والقرآن والانجيل والتوراة.. مليش علاقة بأي حاجة أتمنى تسبوني أرجع شخص عادي ملوش علاقة غير بنفسه وبس شكرا".

كان الإعلامي عمرو أديب، قال إنه تواصل مع الفنانة شيرين عبد الوهاب، والتي أكدت له الأخبار المتداولة بشأن طلاقها من الفنان حسام حبيب.

أضاف "أديب" خلال تقديمه برنامج "الحكاية" المذاع عبر شاشة "mbc مصر"، مساء الجمعة، أن شيرين وصفت الطلاق له بأنه طلاقا حضاريا. مردفا: "يعني طلاق محترم وبهدوء وبدون مشاكل، وقالتلي بالنص هي كويسة وهو كويس، والاتنين قرروا أنهم يطلقوا بعد عواصف كثيرة".