كنزي مدبولي ترد على جدل روايتها الأولى

ردت البلوجر كنزي مدبولي، على الانتقادات التي تعرضت لها، عقب إعلانها عن صدور روايتها الأولى التي تحمل اسم "فرصة من دهب".

أوضحت "مدبولي" في كومنت لها عبر حسابها الرسمي على موقع "فيسبوك": "شكراً لكل الدعم من أول ما نزلت إني هنزل كتاب، وبالنسبة للناس اللي بتحب تتكلم وخلاص فهما مضحكني، بينتقدوا رواية لسة مانزلتش ولا قرأوها، وده لوحده يبين جهلهم، إنك تحاول توقع شخص نجح في حاجة ولا جه جنبك ولا أذاك ده يدل على نفسيتك وعلى تربيتك وثقتك في نفسك الشخص الواثق من نفسه مش بيعمل كدة".

أكملت: "آخر حاجة الرواية دي كتباها كسيناريو للكلية من 2019 وعندي على الكمبيوتر بالتاريخ بتاعها الأصلي فمش رواية كتبتها علشان أنشرها فجأة، أنا كاتبة روايتين بس ماجاليش فرصة أو جرائة أنشرهم، بالإضافة إلى إني خريجة إعلام ودارسة أصول الكتابة والصحافة وكتابة السيناريو والبلاغة".

اختتمت حديثها: "كل الدعاء للناس اللي مش سوية من جوة أنهم يتعالجوا علشان المجتمع يخلص من أذيتهم".