4 اقتراحات من مصطفى حسني للحفاظ على البيت من الطلاق

قدم الداعية الإسلامي، مصطفى حسني، عدة اقتراحات يمكن للأزواج إتباعها للحفاظ على البيت من الطلاق.

أضاف "حسني" خلال مقطع فيديو نشره عبر حسابه الرسمي على موقع "إنستجرام"، أن الإقتراح الأول هو عدم ذكر كلمة الطلاق نهائيا: "كلمة الطلاق تتمسح من لساننا لا في تهديد ولا أي حاجة فيها كلمة طلاق خالص، لأن الكلمة لما بتتكر بترخص وبتهون على اللسان، والست مش كل ما تتخانق مع الراجل تقول له طلقني وممكن كمان تقول له لو راجل طلقني، لا من لسان الراجل أو من لسان الست الكلمة دي تطلع".

نرشح لك: شاهد.. الإعلان الرسمي لفيلم "الحريفة"

أما عن الثاني قال: "لو حصل طلاق لازم تشتغلوا على نفسكم، تقعدوا مع بعض جلسة آمنة كل واحد يقول احتياجاته واللي بيزعله واللي يقدر يقدمه عشان البيت يستمر، والكلام ده يا تفتكروه يا تكتبوه على ورق وتلتزموا بيه، عشان لو اتطلقنا وماشتغلناش على تحسين أسباب الطلاق، شوية وهنتطلق تاني".

أشار إلى أن الأمر الإقتراح الثالث هو النية الطيبة بينهما، موضحا: "كل واحد يبقى عنده نية العشرة الطيبة مش نية الإهانة والاستغلال، توفيق ربنا بينزل مع النية الصالحة".

وعن الإقتراح الرابع قال: "لو عجزتم عن التفاهم ولسه في مساحة بينكم متطلقتوش 3 مرات، دخلوا حد بينكم وتواضعوا لهذا الإنسان الحكيم يقولكم تعملوا إيه عشان تصلحوا ما عجزتم عن إصلاحه".