رأي العسيلي في مسابقات أحمد العوضي
كشف الفنان محمود العسيلي، عن رأيه في المسابقات التي يطلقها الفنان أحمد العوضي عن أعماله التي سيقدمها، موضحا أنها فكرة تسويقية وليس لها علاقة بالإنسانية.
أوضح "العسيلي" خلال لقائه في برنامج "حبر سري" مع الإعلامية أسما إبراهيم والمذاع عبر شاشة "القاهرة والناس": "فكرة حلوة وتحترم، وجديدة في التسويق.. أصل أنت مش هتعطف على الجمهور، دي فكرة تسويقية بحتة، وحلوة إنك بتكسب ناس، لكن أنا شايف أنها ملهاش علاقة بالإنسانية وممكن أعملها".
أشار: "زي براند كبير بيعمل مسابقة، أشتري كيس هتفتحه هتلاقي فيه هدية، أو أدخل سحب على حاجة، البراند بيكسب ناس وفي نفس الوقت بيفيد نفسه، أنا مش شايفها إنسانية بصراحة".
في سياق آخر، علق الفنان محمود العسيلي، على الدعوات المطالبة بإلغاء الحفلات تضامنا مع أحداث غزة، موضحا أن عوائد هذه الحفلات هي مصدر دخل الفنانين وعدد كبير من الأشخاص.
قال "العسيلي" خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس: "مع سخونة الأحداث في البداية كان ممكن تلغي حفلات في الأول لمدة شهر واتنين، ولكن بعد كده مش هينفع تلغي.. ده أكل عيشنا وفي ناس مسئولة مننا".
أضاف أن الغناء والحفلات جزء من عمل الفنانين بكل مظاهر البهجة والاحتفال، مضيفا: "الحياة لازم تستمر وممكن تفكر تتبرع بجزء من حفلاتك لغزة أو الهلال الأحمر، وده اللي هنعمله في حفلات شهر فبراير هنتبرع بجزء كبير لمواطني غزة".
واستكمل: "في الأول الوضع كان صعب وهو لسه صعب، لكن الحياة لازم تستمر ولازم نشتغل والإنسان لازم يساعد بشكل إيجابي مش شعارات.. ولازم يكون في حاجة مفيدة على الأرض لأن الناس اللي بتهاجم بتروح شغلها عادي".