إيناس الدغيدي: المجتمع يحول الخائن لبطل
قالت المخرجة إيناس الدغيدي، إنها ترى أن 85% من الرجال خائنين والمجتمع يعطيهم هذا الحق على خلاف المرأة.
تابعت "الدغيدي" خلال لقائها ببرنامج "حبر سري"، مع الإعلامية أسما ابراهيم، على قناة القاهرة والناس: "كل الرجالة خاينة أو 85% من الرجالة خاينين، وعندهم حق المجتمع مديهم الفرصة.. ده طبع الراجل الخيانة فيه أسرع بكثير من الست، والمجتمع بيحسسه وقتها أنه بطل".
نرشح لك: أمير عيد: السوشيال ميديا تغتال الناس معنويا
أضافت: "الراجل لما بيغلط مش بيتحاسب حساب عسير زي الست، والست نفسها بتحب الراجل الشقي.. في بعض الأحيان بيبقى عندها تحدي توقع راجل شقي، ولكن قاعدة الخيانة في أغلبية الرجالة".
وتابعت: "أنا شخصيا أرفض أعيش مع واحد يخوني ولكن في ستات ظروفها صعبة وفي ستات مرتبطة مادية بالراجل ده، وفي المقابل بتاخد حياة هي مش هتقدر تعيشها لوحدها".
استطردت: "أكيد تعرضت للخيانة قبل كده، وممكن أحس ويكون مش مهتم بيا انه أعرف ولا لأ".