إيناس الدغيدي: من يُحرم الفن ويعود إليه مشوه فكريا
قالت المخرجة إيناس الدغيدي، إن مهنة الفن صعبة للغاية ولا تتمنى لابنتها أن تعمل في هذا المجال. مضيفة: "اللي بيشتغل في الفن هو صعب جدا ومش بيحب أولاده يشتغلوا فيه، عشان صعوبته وحساسيته وحكم الناس عليك وبتأخذ مواقف ولم أتمنى بنتي تشتغل في الفن".
أضافت "الدغيدي" خلال حوارها ببرنامج "حبر سري"، مع أسما إبراهيم، على قناة "القاهرة والناس"، أن الفنانين يعيشون في تحديات كبيرة ووجع قلب. معبرة عن رفضها التصريحات التي تحرم الفن، قائلة: "الفن مش مهنة سهلة والفن مش حرام، واللي بيحاسب عليه ربنا هو اللي يحاسب".
نرشح لك: إيناس الدغيدي: بدعي للي بحبهم بالموت
تابعت: "اللي يتكلم عن التلامس والكلام ده في الفن مخ وعقلية، واللي يحرم الفن ويرجع ناس مشوهة فكريا ومش عارفة عايزة إيه وكل واحد بيختار في الحياة بيبقى عايز ايه والناس تختار وتتحدى وتواجه يا متدخلش الفن من الأساس".
وعن موقفها من المشاركة مع حلا شيحة في عمل فني، ردت: "أهلا وسهلا لو الدور بتاعها في الحدود والمفروض تعيش الحياة كما يجب أن تكون في الفن ولكن متمسكش العصاية من النص، وأنا مش بحب الجراءة ولكن أنا جريئة بطبيعة شخصيتي ومهنتي والدنيا والمهنة اللي خلتني جريئة".