إلهام شاهين: بنتعذب عشان نصور في الأماكن السياحية
تحدثت الفنانة إلهام شاهين عن واجب الدولة في دعم الفن، وتيسير التصوير في الأماكن السياحية الشهيرة في مصر.
تابعت "شاهين" خلال لقائها مع الإعلامي خالد أبو بكر في برنامج "كل يوم": "إحنا عاوزين سينمات أكتر في البلد.. ينفع بلد عدد سكانها 120 مليون يكون عدد سينماتها مش متناسب معاهم؟ لازم في كل قرية في مصر يكون في سينما ومسرح".
أضافت: "لازم البلد تعرف تأثير الفن على كل شيء حتى تأثير الفن سياحيا.. ده احنا بنتعذب عشان نصور في أماكن سياحية في مصر".
أردفت: "في صعوبات شديدة في الموافقات على التصوير في الأماكن دي.. عشان نصور الساعة بتكون تمنها قد كده، مع إن دي دعايا لمصر المفروض يدفعوا تمنها للمنتج".
استطردت: "ما هو الفن ده دعايا ثقافية وسياحية وفكرية وكل حاجة، عاوزين نروح لمصر بشكل صح.. المفروض الدولة اللي تطالب الفنانين والمنتجين بالتصوير في الأماكن دي".