حمو بيكا: الناس بتطلب مني وتقولي "مراتك لابسة دهب"!
كشف مطرب المهرجانات حمو بيكا، عن سبب رسالته التحذيرية التي وجهها لأقاربه بعدم طلب المال منه، أو من والدته، موضحا أن هؤلاء الأشخاص يطلبون المال وهم ليسوا في حاجة له.
أضاف "بيكا" خلال مداخلة هاتفية في برنامج "90 دقية" مع الإعلامية بسمة وهبة والمذاع عبر شاشة "المحور": "بعد ما عملت سبوع بنتي لقيت الناس كلها بتتصل بيا إحنا محتاجين، وهي ناس مش محتاجة أصلا، أقولهم ممعيش يقولوا أنت مراتك لابسة دهب، أنتوا مالكوا؟ أبيع الدهب عشان أديكوا".
نرشح لك: بأمر الطبيب.. بسمة وهبة تكشف سبب غيابها عن "90 دقيقة"
أشار: "أنا تعبت نفسيا من الناس اللي بيطلبوا ببجاحة، ناس معاها فلوس بيطلبوا ليه؟، أنا راجل شقيت عشان أوصل للي أنا فيه، متولدتش في بوقي معلقة دهب، أنا أبويا علمني وخلاني راجل، وأنا اللي شايل بيت أبويا وأخواتي".
أوضح: "أنا كنت بشتغل يومية بـ 11 جنيه، أنا مخلتش حاجة غير لما اشتغلتها، اللي أنا فيه ده مكنش بالساهل، أنا مبانامش، إحنا علينا ديون وإلتزامات، هي الناس مفكرة إننا معانا ملايين، أنا شغال على صوتي لو جالي شوية برد هقعد في البيت".
أردف: "أنا بعمل حفلة كل سنة وبعملها مجانا عشان في ناس بيبقى نفسها تحضر حفلات ومعهاش فلوس، اللي نفسه يحضر ييجي يحضر".