سبب هجوم محمد التاجي على برامج المرأة

كشف الفنان محمد التاجي عن سبب هجومه على برامج المرأة، موضحا أن المشكلات الزوجية يجب ألا تحكى في البرامج على الهواء.

قال "التاجي" في برنامج "اسألني" على شاشة CBC: "أنا معرفش يعني إيه واحدة ست أساسا فاشلة في حياتها الزوجية واتطلقت 3 أو 4 مرات وتطلع هي اللي تحل مشاكل الستات".

تابع: "يعني إيه اطلع على الهوا احكي مشكلتي أنا ومراتي، مفيش مشكلة بتتحكي حتى لو للأهل وبتتحل، المشكلة لازم تتحل ما بينهم".

أردف: "بناتي متجوزين الاتنين، بقولهم مش عايز اسمع مشاكلكم، أنتي وجوزك تحلوهم مع بعض".

كان الفنان القدير محمد التاجي، قد تحدث عن سبب حبه للفن وتأثره بجده الفنان الراحل عبد الوارث عسر، وعلاقته بأولاده وأحفاده.

قال “التاجي” خلال لقائه مع الإعلامية إيمان الحصري في برنامج “مساء dmc“: “جدي الفنان عبد الوارث عسر أثر جدا في شخصيتي الفنية، أنا اتربيت في بيته أكتر ما اتربيت في بيت أبويا، وهو اللي حببني في لعبة الفن دي بسبب احترام الناس له”.

أضاف: “بسببه حسيت ان الفنان له قيمة بجد في المجتمع، أنا في أيامه الأخيرة كنت باخده أوديه الاستوديو كنت بشوف نظرة الناس للفنانين وقتها.. وللأسف مفيش ده النهاردة”.

كما تحدث عن علاقته بأحفاده وأولاده، موضحا: “عندي 3 أولاد وبنتين.. أولادهم بقى لما بيجوا من المدرسة بيكونوا هما لسة في الشغل، فالأولاد مقيمين عندي.. شغال عندهم “بيبي سيتر” لحد ما يخلصوا مشاغلهم، بس بمزاجي عشان عندي عشق ليهم”.

نرشح لك: شاهد.. سبب بكاء سيمون على الهواء