شقيق شيرين عبد الوهاب يكشف حقيقة "الشقيقة الوهمية"
أعلن محمد عبد الوهاب، شقيق الفنانة شيرين عبد الوهاب، مقاضاة فتاة تزعم بأنها شقيقتهما، نافيا كل تصريحاتها التي تتهمهم فيها بالتبرأ منها.
كتب "عبد الوهاب" عبر حسابه على فيسبوك: "حسبي الله ونعم الوكيل.. أهو زي ما أنتوا شايفين كده ناس مريضة وحقودة ومقرفة وغلاوية وبلاوي بتتحدف علينا، وناس أقسم بالله ولا لينا علاقة بيهم.. مستنقع قذارة".
نرشح لك: تفاصيل مشاركة نانسي عجرم في فيلم "مقسوم"
أضاف: "خلصنا من لوسي جابتلنا توتي وناس ولا تعرفنا تطلع تقول علينا كلام كله افترى، ما يعلم بيه إلا ربنا ودلوقتي واحدة بتقول أنها أختنا من الأم وبكره واحدة تانية من الأب، وشوية ونلاقي أخواتنا في الرضاعة كمان، ما هي هيصة بقى ومش هنخلص".
أردف: "مش عارف أقول حسبي الله ونعم الوكيل على مين بالظبط على الناس دي ولا على اللي حطنا في الليلة دي غصب عننا"، مؤكدا أنه سيتم تقديم بلاغ رسمي ضد هذه الفتاة.
وكان محمد عبد الوهاب، شقيق الفنانة شيرين عبد الوهاب، علق مؤخرا على طلاق شقيقته من زوجها الفنان حسام حبيب، مشيرا لكونه يتمنى لها الرجوع لجمهورها ونجاحها مرة أخرى.
كتب "عبد الوهاب" عبر حسابه على فيسبوك: "والله ولا كنت عايز أعلق على الموضوع أساسا ولا عايز أصلا يبقي ليا علاقة بأي حاجة، أنا بس المعلومة عندي من يومين وحبيت بس أكد و أفرح جمهورها والناس اللي بتحبها فقط".
أضاف: "أنا مليش أي علاقة ولا قريب ولا عايز الحقيقة.. بحبها أوى روحي وعمرى وأختي الكبيرة وتاج راسي وخيرها عليا ولحم كتافي من خيرها وأمي التانية بعد أمي وباذن الله هترجع تاني تكسر الدنيا وتمتعنا بفنها و غناها وصوتها واحساسها اللي مفيش زيه في الكوكب كله".
أردف: "وبتمنالها كل خير من كل قلبي وتاخد بالها من ولادها سندها في الدنيا ونور عنيها، بس كل ده ممكن يحصل وأنا بعيد في حياتي وهي في حياتها.. وحياة أمي بحبها أوي بس والله الطاقه اللي عندي يدوب علي قد شوية الأمراض اللي جتلي والحمدلله على كده".