طارق يحيى يكذب تصريحات إمام عاشور
انتقد طارق يحيى لاعب نادي الزمالك ومنتخب مصر السابق، تصريحات إمام عاشور لاعب النادي الأهلي ومنتخب مصر، بعد انتقاله من نادي الزمالك إلى الأهلي، موضحا أنه كان يصرح بتلك التصريحات أيضا عندما كان لاعبا في الزمالك.
قال "عاشور" خلال لقائه في برنامج "اللعيب" المذاع عبر شاشة "mbc مصر": "النادي الأهلي شرف لأي لعيب، وأنا مبسوط فيه، الناس دايما في ضهري ومعايا وبلاقي دعم دايما من اللعيبة، وده اللي أنا كنت محتاجه الفترة اللي فاتت، وهما كانوا على طول في ضهري".
أشار: "كابتن محمود الخطيب من أول يوم ليا في النادي الناس دي مقصرتش معايا في أي حاجة، والجمهور أنا شايف فيه دعم ليا، وأنا بحب الدعم ده".
نرشح لك: السبت.. محمد زيدان ضيف "الكابتن" على dmc
أوضح: "أنا بحب ألعب تحت ضغط ومبيفرقش معايا الناس كلام الناس اللي بيجي بالسلب مبيفرقش معايا خالص، لما لبست تي شيرت النادي الأهلي بقيت ملزم أفرح الجمهور".
من جانبه علق طارق يحيى قائلا: "أنا مش مصدقه، ده واحد كان لابس فانلة الزمالك من 3 أيام، نفس الكلام كان بيقوله على الزمالك وعياط وصريخ وأنا ابن النادي".