ميدو يؤيد غلق فروع علامات تجارية عالمية في مصر

أيد أحمد حسام ميدو، لاعب منتخب مصر السابق، قرار غلق فروع علامات تجارية عالمية في مصر، مشيرا إلى أنها فرصة لظهور المنتجات المصرية.

كتب "ميدو" عبر حسابه الرسمي على موقع "إكس"، أن جميع العلامات التجارية العالمية تستغل المصريين وترفع من السعر كثيرا، موضحا أن الشيء الوحيد الحزين هو مستقبل الموظفين العاملين بهذه الأماكن.

أردف: "مش فاهم إيه لازمة الولولة إن شوية ماركات أجنبية أعلنت أنها هتقفل في ‎مصر، أول حاجة معظم الماركات دي بتضحك على المصريين، مستغلين إن ثقافة معظمهم مبنية على اسم الماركة، بغض النظر عن الكواليتي بتاع الحاجة اللي بيشتروها، رغم إن نفس اللبس بيتباع في اوروبا بـ 25% من سعر الحاجات".

أكمل: "دي يعني الماركات دي كانت بتحمّل على المشتري مصاريف الشحن والجمارك ومرتبات الموظفين، أنا شايف إن دي فرصة كويسة إن شبابنا المصريين اللي عاملين ماركات الكواليتي بتاعتها كويسة جدا أنهم يظهروا في السوق ويشتغلوا كويس، الشيء الوحيد المؤسف في الموضوع ده هو الموظفين المصريين والعمال اللي شغالين في المحلات دي اللي أكيد كلنا بنتمنى لهم التوفيق إن شاء الله ربنا يعوضهم بشغل أحسن في أقرب وقت".

أحمد حسام ميدو ميدو يؤيد غلق فروع علامات تجارية عالمية في مصر غلق فروع علامات تجارية عالمية في مصر المنتجات المصرية