تامر أمين لمنتقدي صلاح: راجعوا نفسكم!
انتقد الإعلامي تامر أمين، الهجوم الموجه لنجم منتخب مصر اللاعب محمد صلاح، بسبب أداء الأخير مع المنتخب الوطني خلال مشاركته في كأس الأمم الأفريقية.
قال "أمين" خلال تقديمه برنامج "آخر النهار"، المذاع مساء السبت، عبر شاشة "النهار: "عايزينه يعتزل؟ لو الهدف نخلص على أبو مكة ونخليه يعتزل اللعب دوليا، قولوا رأيكم إن الشعب المصري أجمع على أنه مش عايز محمد صلاح في المنتخب".
نرشح لك: فاروق جعفر: لاعب الزمالك مظلوم
لفت إلى أن ذلك غير حقيقيا، لكن البعض ينساق خلف تيار يسعى لذلك الهدف، لكن ذلك التيار مغرض وكاره لصلاح بسبب أسباب سياسية ورياضية، فيسعى لإشعال النار. مردفا: "صلاح كان كويس في الماتشين اللي فاتوا؟ لأ مكنش كويس".
تابع: "لكن إحنا ناسين أن صلاح هو الهداف التاريخي لمنتخب مصر لدلوقتي، وناسيين أن صلاح كان شايل الفرقة لوحده لـ 7 سنين، وكان اسمه منتخب أدي لصلاح.. وبعد اعتزال الجيل الذهبي مكنش عندنا منتخب، كان عندنا صلاح و10 لاعبين منعرفش أسمائهم، وفي النهاية كان عندنا منتخب منافس بسبب صلاح".
أضاف: "دلوقتي بقى صلاح هو العيبة والعبء على المنتخب؟! حتى لو صلاح حاليا مش في أفضل حالاته إيه المشكلة! مجرد وجوده في الملعب في أي لحظة يصنعلك الفارق". مشيرا إلى أن البعض يشكك في انتمائه لبلده، ويتهمه بالهرب من الملعب وعدم الإصابة، مستنكرا تلك الدرجة من التخوين.
أردف: "هو إحنا عنده كام صلاح عشان تخلصوا عليه يا ظلمة، فازاي يبقى عندنا حاجة منورة وقدوة لازم نخلص عليه بسرعة.. راجعوا نفسكم".