وعدني بالعمل معه.. مجدي عبد الحليم: محمد رمضان خلف وعده
تحدث الفنان مجدي عبد الحليم، عن علاقته بالفنان محمد رمضان، موضحًا أن الأخير وعده بالعمل سويًا ولكنه خلف بوعده.
قال "عبد الحليم" في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": "مفيش حد بياخد أجره في القطاع الخاص، ممكن آخر دفعة لو بيصور فيلم ولا حاجة تروح عليك".
نرشح لك: فاطمة كشري: دنيا سمير غانم غلطانة إنها سابت "الكبير أوي"
تابع: "كنت بعمل فيلم (الكنز) مع محمد رمضان ووعدني إني أشتغل معاه تاني وخلف بوعده، شكله نسي وأنا مش عارف هيفتكر إيه ولا إيه ربنا معاه، والرزق بتاع ربنا وأنا مش نكرة وموجود دايمًا ومش هتنسي، لو لينا نصيب نتقابل أنا ومحمد رمضان هنتقابل، وهي كلها توفيق من عند ربنا".
كما كشف عن العمل المسرحي الذي تمنى المشاركة به، قائلًا: "عملت مع الفنان سعيد صالح أفلام كانوا بيسموها أفلام المقاولات ميعرفوش يعملوها دلوقتي، واشتغلت معاه مسرح، وكان نفسي أشتغل في مسرحية العيال كبرت".
أما عن أمنيته في الفن، قال مجدي عبد الحليم: "كان نفسي أحقق النجومية ومحققتهاش لغاية دلوقتي، الإنسان مفتقد ذكائه علشان يكون نجم، والمطبات كانت بسبب إني عندي بجبر خاطر ناس كتير ونسيت نفسي، والفن مافيهوش جبر خواطر".