بعد خطوبتهما.. "أمور بسيطة" كليب يجمع هشام جمال وليلى زاهر
طرحت شركة الإنتاج "روزناما ريكوردز" فيديو كليب "أمور بسيطة" لهشام جمال وليلى أحمد زاهر، بعد خطوبتهما.
الأغنية من كلمات هشام جمال ومحمد إبراهيم، ألحان هشام جمال، توزيع مادي،
ميكس وماستر بيشوي مجدي، وفكرة وإخراج هشام جمال.
نرشح لك: استمع.. أغنية "العيب" لـ هيثم شاكر
وجاءت كلمات الأغنية كالتالي:
شايف رايحين
أنا وأنتي على فين
ومش متفائل
خايف أوي أكون قاري اللي جاي صح
ونكون هنعيش في مشاكل
بكلمك بفهمك أن اللي بينا أكيد هاممني
بشهدك.. بتتهدي وتبعدي ودايما تقولي
مش فاهمني وتعندي
تعالي نخلي الأمور بسيطة
مش خناقة إحنا المفروض بنحب بعض
تعالي نسيبنا من النكد ده أنتي السند
هو إحنا مش كان بينا وعد
خايفة بعدين نخسر بعض إحنا الاتنين
أنا مش متفائلة
وبحاول فعلا أكون وقت ما يحصل أي مشاكل هادية وعاقلة
منأثرة متوترة تفكيري في موضوعنا مخليني متغيرة
وطريقنا واخدنا لوراء
يا ترى مقصرة وبقول هل ممكن يوم تسيبني يا ترى
تعالي نخلي الأمور بسيطة
مش خناقة إحنا المفروض بنحب بعض
ليه بينا سد شيل أي سد
تعالى نتعاتب بصراحة وقول بجد
كان نفسي أقولك واقنعك
بس أنا هسكت واسمعك هتقولي إيه
لا مش هتسكت هتقولي ليه
خايف كلامي يوجعك وأبقى بإيدي بضيعك بتعاندي ليه
العند ده بسبب إننا محتاجة أعيش مطمنة وأنا لسه خايفة
آسف لخوفك وأنتي عارفة
مش كل حاجة للأسف ينفع يصلحها آسف
معلش آسفة
تعالي نخلي الأمور بسيطة
مش خناقة إحنا المفروض بنحب بعض
ليه بينا سد شيل أي سد
ده أنتي هو إحنا مش كان بينا وعد