استمع.. أغنية "ابن إمبارح" لـ رامي جمال
طرح الفنان رامي جمال أغنية جديدة تحمل اسم "ابن إمبارح" عبر قناته الرسمية على موقع الفيديوهات "يوتيوب".
أغنية "ابن إمبارح" من كلمات مودي نبيل، ألحان فارس فهمي، توزيع وميكس وماستر محمد شفيق.
وجاءت كلمات أغنية "ابن إمبارح" على النحو الآتي:
مقربتوش في يوم مني..ده كان يسمع يادوب عني
وغلطة عمري هي إني.. أنا اللي عليا كبرته
وماشي يا عيني من خيبته.. يقول للناس أنا سيبته
وناسي خلاص منين جيبته.. ياريتنى ساعتها صورته
بقى ابن امبارح الغلبان.. بيتكلم وعنده لسان
ده كان عامل ملاك بجناح.. لكن معلش أنا الغلطان
بلعت الطعم وأتشديت.. وقرب مني واهتميت
طلع كداب وفيه اتخميت.. ووشه التانى فعلاً بان
مكنش يطول يعيش جنبي.. وقلة أصله مش ذنبي
كبر دلوقتى على قلبي.. وشايف نفسه ع الآخر
أهو اللي في صوته بيعلي.. ده كان يتمنى يوصلي
دى وسعت منه بيقولي.. هايمشي كأنه مش فاكر
يذكر أن آخر أغاني الفنان رامي جمال، كانت أغنية "بُعده فارق" من كلمات أدهم معتز وألحان تميم علي وتوزيع أحمد إبراهيم.