حمدي الوزير يرد على جدل إعلان "ليك في الكيك"
أثيرت حالة من الجدل بسبب إعلان جديد للفنان حمدي الوزير، حيث تداول رواد مواقع التواصل الاجتماعي، صوراً من بانرات الحملة الدعائية في الشوارع، وقد ظهر فيها "الوزير" بريأكشن وجهه الشهير من فيلم "قبضة الهلالي" وإلى جواره جملة "ليك في الكيك".
رد الفنان حمدي الوزير على الجدل الذي أثير حول الإعلان في تصريحات خاصة لـ "إعلام دوت كوم"، موضحا أن الإعلان غير خادش للحياء، ولا يوجد به أي لقطات خارجة كفتاة ترقص أو شيء من هذا القبيل، لافتا إلى أن "الكيك" نوع من أنواع الحلويات والجميع يحبه.
نرشح لك: رمضان 2024.. شاهد برومو مسلسل الكبير أوي 8
أضاف: "إيه الخادش في الإعلان؟ صورة عريانة مثلا؟ مش هنص للنوايا السيئة دي ناس مريضة نفسيا، الإعلان شيك جدا مفيهوش واحدة عريانة ولا واحد بيرقص، الإعلان في إيه خارج.. الكيك ده أكلة وكلنا بنحبها، أنا بحب الكيك".
أوضح: "الحركة اللي عملتها دي من فيلم، والفيلم حقق إيرادات كبيرة، ومفيهوش أي مشهد خارج، لكن في ناس مرضى نفسيين وأنا مش شايف أي خدش، والصورة مش من الفيلم صحيح عملنا مكياج قريب للشخصية لكن مش من الفيلم".
تابع: "الصورة اللي بتتعمل كوميكس محاميين أصدقائي كتير طالبوني أرفع قضايا على اللي بيستخدموها مرضتش، لأن إحنا ناس بتبدع بشكل مهذب".
أردف: "في أفلام كتير في السينما اتعملت عن العنف ضد المرأة، أهمهم اللي أنا عملتهم (المغتصبون)، و(قبضة الهلالي)، و(التخشيبة)، وجابوا نتائج إيجابية وخدت عليهم جوايز كلهم".
