دعاء فاروق: مفيش أزمة سكر في مصر والتجار السبب

أعربت الإعلامية دعاء فاروق، عن استيائها من افتعال التجار لأزمة السكر في مصر، مؤكدة أن السكر متواجد بشكل طبيعي، ولكن التجار محتكرينه، لرفع الأسعار، وهم من افتعلوا تلك الأزمة.

قالت "فاروق" خلال فيديو نشرته عبر حسابها الرسمي على "إنستجرام"، إن محلات الحلويات والمقاهي تعمل بشكل طبيعي دون تأثر، بجانب مصانع الحلوى الكبرى، وذلك يؤكد أنهم يحصلون على السكر بشكل عادي دون تأثر بالأزمة التي يمر بها المواطنين.

أوضحت: "سكر إيه اللي ناقص؟ هي كل محلات الحلويات والأيس كريم وغيره بيجيبوه منين؟ عيب لما التجار تخبي السكر، السكر موجود، لأن لما يكون في أزمة تنعكس على الكل، ومن باب أولى إن أول حد يتأثر هي محلات الحلويات والكافيهات وتقفل بقى".

تابعت: "وده مبيحصلش شغالين عادي جدا ومفيش أي حاجة وأسعارهم زي ما هي، ما شوفتش زيادة إن السكر ناقص فاحنا هنزود، هما مغليين بقالهم فترة من قبل أزمة السكر".

أردفت، أن صناعة حلوى المولد من مشبك وعروسة حلاوة وغيرها من الأمور التي تقوم اقتصاد مدن كاملة مثل طنطا، قائلة: "إلا أنتو عايزينتفهموني أن مصر بتاعت حلاوة المولد من غير سكر؟ ده بتتباع في القطر، طب بلاش بلد ايه اللي يبقى عندها نقص في السكر ده احنا بنعمل عروسة من السكر".

وطالبت الإعلامية المسؤولين بعمل مداهمات على المحلات الكبرى، للبحث عن السكر المخبأ، قائلة: "التجار اللي مخبيين السكر عشان يغلوا وأنا بطالب بمداهمات يلاقوا السكر اللي مستخبي".

نرشح لك: "التموين": ضخ السلع الأساسية بمعارض أهلا رمضان بتخفيضات 30%