هل استعان أحمد السقا بدوبلير في "جولة أخيرة"؟.. المخرجة توضح
قالت المخرجة، مريم أحمدي، إن الفنان أحمد السقا لم يستعين بدوبلير في مسلسل "جولة أخيرة"، موضحة أن تدريبات المسلسل كانت صعبة جدا.
أضافت "أحمدي" خلال لقائها مع "عرب وود": "السقا مبيرضاش يشتغل بدوبلير، حتى لو كنت عايزة أشتغل بدوبلير الموضوع كان صعب أوي لأن معظم المشاهد اللي فيها قتال لازم يكون الملاكم مش لابس حاجة في النص اللي فوق بالتالي مكنش ينفع أوي أشتغل بدوبلير".
نرشح لك: أشرف عبد الباقى عن "تامبي": أول مرة أقدم شخصية بالشكل ده
أشارت: "حتى لو اقنعت السقا، هو تقريبا عمل 90% من المشاهد بنفسه.. تصوير المسلسل نفسه بالتدريبات والتمرينات مش سهل حتى على الملاكمين اللي كانوا قدام السقا، والملاكمين كلهم حقيقيين مش ممثلين وكان بالنسبة لهم صعب".
مسلسل "جولة أخيرة" مكون من 9 حلقات، كتابة أحمد ندا، إخراج مريم أحمد، ويشارك في البطولة أشرف عبد الباقي وعلي صبحي والطفلة ملك، كان من المقرر عرضه في البداية على منصة عربية لكن أمازون برايم نجحت في الحصول على حق العرض الحصري.