فرصة لبداية جديدة.. نصائح تامر حسني لاستغلال ليلة النصف من شعبان
نصح الفنان تامر حسني جمهوره بعدم تفويت ثواب ليلة النصف من شعبان، التي تبدأ من مغرب اليوم السبت، وتنتهي فجر اليوم التالي، الأحد الموافق 25 فبرابر الجاري.
ووجه "حسني" لجمهوره بعض النصائح للاستفادة منها عبر حسابه الرسمي على موقع التواصل الاجتماعي "فيس بوك": "من النهارده (نص شهر شعبان) لبكره أعمالنا بتترفع لربنا، يعني كلنا نلحق نستغفر ونطلب من ربنا يسامحنا، محدش يتخيل أنه عمل أخطاء كتير فـ مالوش عين يطلب.. لأ، مهما عملت أطلب حالاً وياريت لو نصوم بكره"، موضحا أنه سيصوم ليلة النصف من شعبان، ومشجعًا على ذلك.
أضاف: "أي حد عنده شغل ياريت يفضي شوية وقت عشان يستغفر ويدعي كتير بقدر الإمكان.. اليوم ده له سحر وأنا جربته كتير قبل كده وهتحسوا في قلوبكم أن في حاجه اتشالت من عليك وبقيتوا مبسوطين اكتر، ادعوا بكل اللي تتمنوه".
تابع: "فرصة لأي حد عمل ذنب كبير غصب عنه أو قاصد بس ندمان إن ربنا يسامحه دلوقتي بس نفتكره ونطلب منه يلا يا جماعة من دلوقتي لبكره اعتبروا ان ده يوم بسنة كاملة وجايز بكرم ربنا يبقى يوم بحياتك كلها اجتهدوا فيه أوي من صلاة وتصدق وذكر ودعاء وصلة رحم".
نرشح لك: نورهان: السوشيال ميديا سبب شائعة اعتزالي
أشار: "اليوم ده تقدر من خلاله تبدأ صفحة جديدة مع نفسك ومع ربنا.. اوعى تحس أنك بعيد ومتسمعش كلام أي حد يقولك يا عم أنت بتعمل وبتعمل قوله: (ملكش دعوه ليا ربنا هيحاسبني مش أنت).. و نخلي عندنا يقين مش عادي؛ ركزوا على كلمة يقين مش عادي إن ربنا سامعنا وهيستجيب لنا وهيحققلنا اللي بنتمناه واللي هيكون صالح لينا وهيسامحنا".
اختتم: "تفرق كتير أوي لو بتدعي وعندك يقين أو معندكش.. بتفرق كتير اوي صدقوني.. ومتنسوش تدعولي معاكم بعد إذنكم؛ محتاج دعواتكم جداً".