نصيحة عمرو الورداني لزوجة منزعجة من إقامة حماتها معها
ورد سؤال للدكتور عمرو الورداني، أمين الفتوى بدار الإفتاء المصرية، تقول صاحبته: "حماتي عايشة معايا، وصعبة جدا، أنا بعاملها كويس بس من جوايا بكون متضايقة جدا هل أخد أجر على خدمتها؟".
أجاب "الورداني" خلال حلقة اليوم من برنامج "ولا تعسروا" المذاع عبر شاشة "الأولى المصرية": "العلماء بيدرسوا اللي بتقوليه ده في إطار شرحهم لحديث ( إنما الأعمال بالنيّات، وإنما لكل امريء ما نوى)، العلماء وهما بيشرحوا الحديث قالوا مراتب القصد خمس، القصد اللي جوا قلوبنا بيمر بأربع مراحل قبل ما نوصل لمرحلة النية المؤكدة".
نرشح لك: هل للرجل "عدة" مثل المرأة؟.. رمضان عبد المعز يوضح
أشار: "المرحلة الأولى اسمها الخاطر، حاجة جت ومشيت، وبعدين هاجس، جت ووقفت بس موقفتش كتير ومشيت، بعد كده يجي حديث النفس أنا خدت واديت، وجهادت نفسي، الرابعة الهم أنا خلاص بفكر في الفعل وعمله، والأربعة دول مبنتحاسبش عليهم، الخامسة العزم وهو اقتران القصد بالفعل وده اللي بنتحاسب عليه".
أوضح: "أنتي عندك حديث النفس ومتضايقة من جوا بس لما جيتي تعملي العمل قولتي والله أنا هخدمها لله، كل القصة اللي جوا دي متتحاسبيش عليها وتاخدي ثواب إن شاء الله، بس لازم نخلي بالنا أن الحاجات دي حساسة أوي، فممكن تخلطي الكلام ده بالمعروف، وهتعملي ده خالص لوجه الله".