حورية فرغلي: هيثم أحمد زكي توفى وهو بيحبني

قالت الفنانة حورية فرغلي، إنها كانت تحب الفنان الراحل هيثم أحمد زكي لكنه كان غيورا جدا، لذلك لم تكتمل علاقتهما، لافتة إلى أن توفى وهو يحبها.

أضافت "فرغلي" خلال لقائها في برنامج "أسرار النجوم" المذاع عبر نجوم إف إم": "أنا حبيت هيثم أحمد زكي جدا، وفي وقت من الأوقات جت لي فرصة وملت له بس هو كان غيور جدا، وكنا بنصور في (دوران شبرا) الأستاذ هاني عادل والدته توفقت وقفت في نص اللوكيشن بعزيه، هيثم جابني من شعري وهاتك يا ضرب وشتيمة وقال لي يا طنط".

نرشح لك:حورية فرغلي: التنمر أذاني جدا

تابعت: "قولت له كل الشتيمة اللي قولتها مأثرتش فيا إلا طنط دي، وأنا اتقال لي بعدها أنه توفى وهو بيحبني، وحاول يرجع كتير".

في سياق آخر قالت "فرغلي" إنها كانت تتمنى إنجاب طفل، موضحة: "كان نفسي يبقى عندي طفل، حتة مني تبقى في الدنيا، بس أي حاجة ربنا بيعملها راضية بيها، أنا حجيت 7 مرات مدعتش ربنا بحاجة غير ربنا اتنا في الدنيا حسنة وفي الآخرة حسنة".

أردفت: "أنا ست قوية ومحدش هيقدر يكسرني، واكتسبت القوة دي من بعد الحادثة اللي حصلت لي، والتحارب والناس اللي كان فضلي عليهم، ومحدش رفع سماعة التليفون وقال لي أنتي عايشة ولا ميتة".