كلمات أغنية "بابا جه" لـ أكرم حسني
طرح الفنان أكرم حسني، الأغنية الدعائية لمسلسله "بابا جه"، والمنتظر عرضه في رمضان 2024، وتحمل الأغنية نفس الاسم.
"بابا جه" من كلمات أكرم حسني، وألحان كريم عاشور، وتوزيع أحمد وحيد كينج، وميكس وماستر أمير محروس.
وكلمات الأغنية هي:
بابا اييييه بابا ايه .. بابا اهوووو بابا جه .. بابا اييييه بابا ايه .. بابا اهوووو بابا جه
بابا اييييه بابا ايه .. بابا اهوووو بابا جه .. بابا اييييه بابا ايه .. بابا اهوووو بابا جه
في بابا و في بابي في ابويا و في دادي .. عصبي ان كان او كان هادي
دوره يطبطب و يدادي
يا بابا انت الهيرو .. انت اللي جايبها من الزيرو .. باتمان و زمايله يجولك
ياخدوا الاذن و بيطيروا
بابا ده اللي حاسس انه مش مهم .. حاسس ان دوره بس ATM
بابا هات فلوس عشان محتاج دروس .. بابا عندي جامعة و اشتراك في جيم
بابا ده اللي شعر راسه فجأة شاب .. بابا ده اللي شاف يا ناس كتير عذاب
بابا حالته صعبة محتاجة لعلاج .. في دكاتره قالوا حالته دي اكتئاب
نفسي اجيب كلب .. بابا قاللي لأ .. كل ما اقول لحد يقوللي بابا عنده حق
مش مقدر ايه هاممني نفسي مرة يكون فاهمني .. اطلب حاجة يقوللي حاضر
فيها ايه ما هي سهلة اهيه
بابا اييييه بابا ايه .. بابا اهوووو بابا جه .. بابا اييييه بابا ايه .. بابا اهوووو بابا جه
في بابا و في بابي في ابويا و في دادي .. عصبي ان كان او كان هادي
دوره يطبطب و يدادي
يا بابا انت الهيرو .. انت اللي جايبها من الزيرو .. باتمان و زمايله يجولك
ياخدوا الاذن و بيطيروا
يا اخوانا كله كوم و بابا كوم .. بابا لو وقع اوام اوام يقوم
هاتوا أي حد غيره هتلاقوه .. في ثواني قام طلع من الهدوم
بابا ده اللي شعر راسه فجأة خف.. بابا كعب داير اصله خدها و لف
ده حبيبي بابا ده لو كان شريط .. و الله كان زمانه باظ و سف
مسلسل «بابا جه» ينتمي لنوعية المسلسلات ذات الـ15 حلقة، وتدور أحداثه، في إطار اجتماعي كوميدي، وفكرته مأخوذة عن كتاب كوري، وهو تأليف وائل حمدي ومحمد إسماعيل، وإخراج خالد مرعي، ويشاركه البطولة نسرين أمين، محمد أوتاكا، سما إبراهيم، الطفلة لاڤينيا نادر، وعدد من ضيوف الشرف .