دينا فؤاد تكشف عن تفاصيل دورها في "حق عرب"
كشفت الفنانة دينا فؤاد عن تفاصيل الشخصية التي ستقدمها في مسلسل "حق عرب" بطولة الفنان أحمد العوضي والمقرر عرضه في السباق الرمضاني المقبل 2024.
قالت "فؤاد" خلال مداخلة هاتفية في برنامج "كل يوم" مع الإعلامي خالد أبو بكر، المذاع عبر شاشة "ON": "بعد مسلسل (اللي مالوش كبير) مع أحمد العوضي و(الاختيار) اللي كُرمت عليه من سيادة الرئيس في انتصارات أكتوبر إحنا بنأكد التعاون (بحق عرب)، في كيميا بينا وعاملين حاجة محترمة جدا وإن شاء الله تعجب الناس".
أشارت: "بقدم شخصية بنت في منطقة المغربلين واقفة على نصبة شاي بتساعد أبوها واسمها حنان الغرباوي، شخصية مركبة ومن الشخصيات اللي فيها أكتر من تحول وأنا تعبت أوي عليها.. ورسالة المسلسل لا يصح إلا الصحيح وأي حد بيعمل أي حاجة غلط مبتستخباش وبتظهر ولو بعد 100 سنة".
أردفت: "معرفناش نصور في المعز بسبب أحمد العوضي، حقيقي محبوب بشكل غير طبيعي من الشارع المصري، وأنا شوفت ده بعيني، قد إيه الناس بتحبه وبتستقبله وبتوقفه تتصور معاه وهو له طريقة تعامل بتخلي الناس تحبه أكتر".
مسلسل "حق عرب"بطولة أحمد العوضى، دينا فؤاد، رياض الخولى، وفاء عامر، وليد فواز، دنيا المصري، كارولين عزمي، أحمد صيام، سلوى عثمان، وفاء مكي، أحمد عبد الله محمود، ميدو ماهر، الطفل منذر مهران، وعدد آخر من الفنانين، تأليف محمود حمدان وإخراج إسماعيل فاروق وإنتاج شركة سينرجي، وتدور قصته في إطار شعبي مليء بالأكشن والإثارة والتشويق.