ميدو: تصريحات الدكتور علي جمعة انتصار للإنسانية
أعرب أحمد حسام ميدو لاعب الزمالك ومنتخب مصر السابق، عن سعادته بتصريحات الدكتور علي جمعة مفتي الديار المصرية السابق، بشأن دخول غير المسلمين للجنة.
وكتب ميدو عبر حسابه على إكس: "قعدت سنين طويلة بروح صلاة الجمعة على الصلاة على طول مبسمعش الخطبة، لأن الشيوخ بيدعوا للمسلمين والمسلمات فقط وده كلام ضد الإنسانية.. ليه متدعيش لكل الناس بالهداية والرحمة مهما كان دينهم؟! لذلك مبسوط جدا بكلام د. علي جمعة، ونفسي كل شيوخ العالم كله ينتهجوا نفس نهجه.. أنا عن نفسي كنت في الحرم وكنت بدعي بالاسم لكل أصدقائي المسيحيين زي ما بدعي لأصدقائي المسلمين بالظبط".
أضاف: "الغريب جدا في الموضوع بالنسبة لي إن المفروض كل الناس لما تسمع إن غير المسلمين الطيبين اللي بيعملوا خير عندهم فرصة إنهم يخشوا الجنة إنهم يفرحوا.. هي الجنة دي أوضتين وصالة مثلا فلو غير المسلمين دخلوا الجنة معاك هيزحموها؟ ما تخلي قلبك في خير يا أخي وافرح للناس.. إيه اللي مزعلك؟!".
وتابع: "واحدة من أهم الإيجابيات بالنسبة لي في لقاء د. علي جمعة مع الطلاب إنه أذيع تليفزيونيا على القناة الأولى القناة الرسمية للدولة.. وده بيه عندي معاني كثير.. إن مصر اخيرا بتتحرر من الأفكار اللي فيها تعصب.. أحيي النظام المصري على الخطوة دي اللي في رأيي انها هتفيدنا على المدى الطويل ونقدر نطلع أجيال قادمة مخها نظيف بيتمنوا الخير لبعض ما بيلتفتوش للتفاهات ويركزوا في شغلهم ويقيموا البني آدم لشخصه لإنتاجه لمدى تأثيره في الناس اللي حواليه".
