نجوى فؤاد تتحدث عن فترة مرضها
كشفت الفنانة نجوى فؤاد عن تفاصيل فترة مرضها، حيث خضعت لعدة عمليات جراحية جعلتها طريحة الفراش.
تابعت "فؤاد" في مقطع فيديو نشرته الإعلامية سهير جودة عبر صفحتها على موقع التواصل الاجتماعي فيس بوك: "نبيلة عبيد وصفية العمري هما بس اللي بيسألوا، محدش من الفنانين ولا النقيب سأل فيا من 6 شهور أنا بتعذب".
نرشح لك: ليلى عز العرب تتحدث عن وفاة زوجها
استكملت: "كارت الدوا بتاع النقابة بيدفع تلت التكلفة بس، مفيش حاجة للفنان خالص حاجة تقرف، الواحد ضيع عمره كده ببلاش، مالناش معاش، ده قرار من وزارة الثقافة إن مفيش معاشات، النقيب بيقولي ليكي 600 جنيه معاش، قولتله ده أنا بديهم للبواب".
ذكرت: "لازم ياخدوا بالهم من الفنانين اللي أدوا اكتر من اللي بيدوا دلوقتي كتير لأن إحنا خدنا ملاليم وهما بياخدوا ملايين، فلازم يعملوا حساب الفروقات اللي بتحصل ويساعدوا الناس الغلابة اللي مش قادرة ممكن تجيب علبة مضاد حيوي علشان تتعالج، لازم يبقى لنا حل حرام".
كما تحدثت عن وفاة أصدقائها من الفنانين وخاصة سمير صبري ودلال عبد العزيز، حيث قالت: "دلال عبد العزيز كسرتني، من أعز أصدقائي الله يرحمها ويحسن إليها، اتخطفت، كانت قريبة مني جدا ولسه دنيا وإيمي بيسألوا عليا وبعتولي ورد".