شيرين رضا: "عمرو دياب هيفضل حواليه نسوان"

تحدثت الفنانة شيرين رضا عن فترة زواجها من الفنان عمرو دياب، والعلاقة التي تجمعهما حاليا، مؤكدة أنها عانت كثيرة من الفتيات المعجبين به، في فترة زواجهما.

قالت "رضا" خلال حوارها مع الإعلامية بسمة وهبة في حلقة اليوم من برنامج "العرافة" المذاع عبر شاشة "النهار"، إنها لم تكن تغير على عمرو دياب، لأنها كانت تعلم جيدا أنه فنان مشهور ولديه معجبات، ومع ذلك عانت كثيرا في فترة زواجهما.

نرشح لك: نجوى فؤاد تتحدث عن فترة مرضها

أوضحت: "عانيت من إن كان فيه بنات بتجري ورا عمرو دياب لما كنا متجوزين، لكن أنا مش بغير، الغيرة بتوجع صاحبها.. أنا اتجوزت واحد مشهور، فلازم يبقى عنده معجبين، لو غيرت عليه، أنا اللي هتعب في الآخر".

أضافت: "هو هيفضل حواليه نسوان، وأنا بسميهم نسوان مهما كان سنهم، أصل اللي تجري ورا راجل بالأسلوب ده تبقى نسوان مش ست.. الستات محترمين".

كما ردت "شيرين على فنانة معتزلة هاجمت ابنتها، قائلة: "مريضة نفسيا، لما تعمل عقلها بعقل واحدة بنت صغيرة وتشتمها، تبقى إيه؟ فاضية ومريضة نفسيا، معنديش كلام أقوله عليها.. ما هي اعتزلت خلاص تقعد بقى في بيتها وتلم نفسها، مش هي اتحجبت؟ عيب أنها تقول الكلام ده، مش ده حرام؟".

وفي سياق منفصل، تحدثت عن خطيب ابنتها "نور"، مؤكدة أنها لم تكن تتمنى من هو أفضل منه لابنتها، موضحة: "هو محترم وبيحبها وبيخاف عليها، وهي بتحبه، ومخطبهاش عشان هي مين أو بنت مين، وتحسي أنك متتمنيش لبنتك غير كده، وهما أصدقاء، ودي أهم حاجة في أي ارتباط".

يذكر، أن آخر أعمال شيرين رضا كان مسلسل "وبينا ميعاد 2" من بطولة صبري فواز وشيرين رضا ومدحت صالح ووفاء صادق ومحمد سليمان وبسمة، وأسامة الهادي ويوسف الكدواني وأميرة أديب وآية سليم وهاجر الشرنوبي ومحمد مهران، ومن تأليف وإخراج هاني كمال.