الرجولة مش بالصوت العالي.. وصية الرئيس السيسي للأزواج بنسائهم
أوصى الرئيس عبدالفتاح السيسي، الرجال، بنسائهم وبناتهم خلال حضوره احتفالية المرأة المصرية اليوم الخميس.
قال الرئيس مازحًا: "اوعوا تضيعوا أسركم ولا تقسوا على زوجاتكم، إيه يعني لما تزعلك في أيه؟ مالك يعني؟ ما تاخد في جنابك وأنت ساكت".
أضاف: اقصد أقول السعة.. سعتنا إننا نستحمل بعضنا، شوف يومها بيبقى ماشي إزاي فاستحمل"، تابع: "والله الرجولة مش بالصوت العالي بالإنسانية والصبر.. المرأة ليها حق علينا على كل حال".
أردف الرئيس قائلًا: "بعض الناس بيقولي أنت مزودها أوي مع المرأة وأنا بقولهم أنتو اللي مش عارفين"، موضحًا: "ربنا طلب مننا إننا نحترمها ونقدرها ونخلي بالنا جدًا منها في أي سن".
تابع: "الواحد لما يبقى ليه بطن مش عارف يمشي، دي بتقعد 9 شهور شايلة ما بتنامش ومبتاكلش".
استطرد قائلًا: "ربنا اللي قال حملته وهن على وهن، والنبي قال أمك ثم أمك ثم أمك، الأنبياء بيتكلموا بالوحي مش أي كلام".