عصام صاصا: مفرقش معايا لما العسيلي قال ميعرفنيش

علق مطرب المهرجانات عصام صاصا، على تصريحات الفنان محمود العسيلي الأخيرة، الذي قال فيها إنه لا يعرفه.

قال "صاصا" في برنامج "أسرار" وتقدمه الإعلامية أميرة بدر: "مشكلتي مع حمو بيكا كانت من خلال إدارة أعماله طول الوقت بيكرهني فيه، على الرغم أني ماكنتش أعرف حمو بيكا ولا قابلته غير مرة".

وعن تفاصيل خلافه مع عمر كمال قال: "كنت مضايق منه بسبب أني سجلت معاه أغنيتين، واتفقنا أن كل واحد هيأخد أغنيه عنده، أنا نزلت الأغنية بتاعتي، وبعد ما عمر كمال نزل الأغنية عنده اكتشفت أن صوتي اتشال من الأغنية وحمو بيكا صوته اللي دخل فيها.. والأغنية نزلت بصوت عمر كمال وحمو بيكا.. ولكن قفلت الأغنية على اليوتيوب أنا مش بسيب حقي".

ورد عصام صاصا على تصريحات محمود العسيلي التلفزيونية، الذي قال فيها إنه لا يعرف اسم المطرب الذي حقق أرقام عالية عبر موقع اليوتيوب، قائلا: "مزعلتش منه ولكن مفرقش معايا، أنت المفروض حد كبير وليك قيمتك متتكلمش مع حد متعرفوش".

تابع: "هو أكيد عارف أسمي لأن قبل ما يطلع في البرنامج بيومين حسن شاكوش كان عنده حفلة والعسيلي كان قاعد وشاكوش كنا كل واحد في ترابيزة، وشاكوش رحب بيا وبيه، أكيد يعني عرف أننا فنانيين زي بعض.