منى زكي: أحمد حلمي أكبر داعم ليا

قالت الفنانة منى زكي، أن زوجها الفنان أحمد حلمي يقدم لها دعما كبيرا، في جميع المواقف التي تتعرض لها، موضحة أنه يعلم نواياها.

أضافت "زكي" خلال لقائها مع الإعلامي عمرو أديب في "Big Time podcast": "أنا وأحمد كبرنا على الهدايا، من بعد جوازنا بـ 6 سنين مبقتش حاجة أساسية.. وأحمد لما كان حد بسيط ولسه في بداية مشواره أبسط حاجة جابها لي هي أحلى حاجة في حياتي، ودلوقتي وجوده بالدنيا وما فيها".

أشارت: "لحد دلوقتي ساعات أشوف أحمد قلبي ينبض بسرعة، كويس جدا وأحسن راجل شوفته في حياتي بعد بابا.. لما نبقى خارجين بنبوس بعض، ولما نرجع بنبوس بعض، عشان نعلم أولادنا".

نرشح لك: شاهد.. برومو مسلسل "بدون سابق إنذار" لـ آسر ياسين وعائشة بن أحمد

أوضحت: "دايما لما بتشتم يقول لا هما يعرفوكي ولا أنتي تعرفيهم ليه ده يأثر فيكي.. داعم كبير ليا، مهما كان الموقف كبير بيدعمني جدا لأنه عارف نواييا، وعارف إيه الفن، في ناس كتير بيختلط عليها الفن وفاكرينه إعلام وده مش حقيقي خالص".