مي سليم: الجاكيت بتاعي ولع لوحده في لوكيشن مسلسل "المداح"
كشفت الفنانة مي سليم عن بعض اللقطات المرعبة التي حدثت لها داخل موقع تصوير مسلسل المداح 4، مشيرة إلى الأمور التي تخاف منها في حياتها.
وقالت مي سليم، خلال لقاء لها ببرنامج نجوم رمضان أقربلك الذي تقدمه الإعلامية إنجي علي ويذاع عبر محطة راديو نجوم إف إم: مرة روحت تصوير المداح وحصلي حاجة غريبة، أول ما روحت قولتلهم أنا بسمع أن عندكم عفاريت وشعوذة وحاجات كدا بجد ؟.. قالولي لا متخافيش دي حاجات بسيطة، وكنا بنصور مشهد أنا وفتحي عبد الوهاب والولد اللي بيشتغل معايا ماسك الحاجات بتاعتي والجاكيت، وفجأة الجاكيت ولع من غير سبب.
وتابعت: "الأوضة كان فيها شمع فبقوله أنت جيت جمب الشمع قالي لا يا أستاذة أنا واخده في حضني، بعدها خرجت لأستاذ أحمد سمير فرج قولتله ايه ده ايه اللي بيحصل ده، وفي يوم تاني الكوافير اللي بيعملي شعري كان لسه هيعملي شعري والاستشوار فرقع، فبقيت كل ما اروح اللوكيشن بقرأ كل الآيات القرآنية اللي أنا ممكن أكون حفظاها وبشغل قرآن في الكرفان لأن فعلا في توتر".
نرشح لك: أروى جودة: الزواج الثاني يقهرني.. ولكن!
أما عن الأمور التي تخاف منها مي سليم في حياتها قالت: بخاف احتاج لحد، أو أبقى محتاجة ومحسش بالأمان، مبقاش متطمنة، أو بنتي في يوم من الأيام تحتاج لحاجة وأنا معرفش احققها لها، يجي يوم من الأيام اضطر أني أقول لحد ساعدني عشان دا حصل مع فنانين كتير لما كبروا مكانوش عاملين حساب للزمن.