بعد أزمة محمد سلام.. رد بيومي فؤاد على كاملة أبو ذكري

علق الفنان بيومي فؤاد، على هجوم المخرجة كاملة أبو ذكري عليه بعد أزمته مع الفنان محمد سلام عقب اعتذار الأخير عن المشاركة في إحدى مسرحيات موسم الرياض، بعد حرب غزة.

قال "فؤاد" خلال حواره مع الإعلامية أسما إبراهيم في حلقة اليوم من برنامج "حبر سري"، على قناة القاهرة والناس، إن علاقتهما من قبل لم تكن وطيدة، مضيفا: "كل واحد في حاله ولم يحصل عتاب ولا كلام وفي حاجات مينفعش فيها كلام وده رأيها وهي قررت ومكتبتليش ليه اللى عملته ولكن هي قالت رأيها وقررت".

نرشح لك: بدرية طلبة: أنا مطلوبة في الدول العربية أكتر من مصر

أضاف أنه عرضت عليه المشاركة من قبل في مسلسل "سجن النسا" وخيرته ما بين ثلاث أدوار، ولكنه اعتذر لانشغاله بعدة أعمال أخرى، موضحا:"كان في بينا كلام وهي مخرجة كبيرة والواحد يتمنى يشتغل معاها وفي (سجن النسا) بعتتلى وعرضت عليا 3 أدوار وساعتها كان عندي مسلسلات كتير فروحت لها واعتذرت لها وتقبلت الاعتذار".

أشار: "إحنا عملنا بروفات للمسرحية تزيد عن شهر.. والنص اتكتب في أكتر من 3 شهور.. مبنروحش البلاد التانية نعمل حاجات في 3 أيام زي هي ما قالت.. إحنا سفراء لبلدنا، وهما في السعودية بيحبونا وبيحترمونا، لو ده كايدكم وغايظكم هنعمل إيه.. حبهم لينا حقيقة".

وعن موقفه من هجوم "كاملة أبو ذكري"، قال: "قبل كده هي قالت أنها كانت واحدة من جمهوري ومحبيني وبعدين قالت اللي قالته عليا وأنا بقرأ البوست بعد الأزمة قلت حقي عند ربنا وكل واحد هياخد حقه".