ريهام حجاج: تعرضت لحروب والسوشيال ميديا تشبه المسيح الدجال
قالت الفنانة ريهام حجاج، أنها تتعرض لحروب وليس انتقادات فهناك فرق بينهما، موضحة أن أي الفنان قد يوفق في أعمال ولا يوفق في أخرى، فالفنانين الكبار أو الأشخاص العلامات في أي مجال تعرضوا لهجوم عنيف
أضافت "حجاج" خلال لقائها في برنامج "كلاكيت" المذاع عبر راديو "نجوم إف إم" مع الإعلامية لينة طهطاوي: "تغيير الأجيال ظايما بيبقى فيه مشاكل، لما نشوف النجوم اللي بالنسبة لنا حاجة كبيرة اتبهدلوا ومكانش فيه سوشيال ميديا وقتها".
نرشح لك :بيتر ميمي يرد على جدل اللهجة المصرية في "الحشاشين"
أشارت: "لازم نتقبل أن في ناس كلامها جارح ومعندهاش دين في التعامل، هي دي الدنيا إحنا مش في الجنة، دول اللي بينتقدوا أو بيطلعوا عقدهم على الناس، غير الناس دي في حروب، لشخص بعينه، ولازم افرق بين الاتنين".
أوضحت: "أي حد دلوقتي بيعمل عمل عام لازم يبقى عارف أنه عنده منجم دهب من الحسنات، لأنه طول الوقت مبتلى بالناس دي، وأنا أدركت أن في خلل حصل في الدنيا، لما البنت في المنصورة اتدبحت، والناس على السوشيال ميديا بتقول رأيها في الموضوع، زي ما يكون السوشيال ميديا دي المسيخ الدجال".
يذكر أن الفنانة ريهام حجاج تشارك في السباق الرمضاني بمسلسل "صدفة" من بطولتها، وخالد الصاوي وسلوى خطاب ورشدي الشامي ورحاب الجمل، وميار الغيطي ورباب ممتاز وفراس سعيد وعصام السقا ونور إيهاب وتأليف أيمن سلامة، وإخراج سامح عبد العزيز