بيتر ميمي: نهاية "الحشاشين" غير متوقعة
قال المخرج بيتر ميمي، إن نهاية مسلسل "الحشاشين"، بطولة الفنان كريم عبد العزيز، ستكون غير متوقعة.
أضاف "ميمي" خلال لقائه ببرنامج "الراديو بيضحك" مع الإعلامية فاطمة مصطفى، والمذاع عبر "الراديو 9090": "في نهايات غير متوقعة من الحلقة الـ 28 لحد الحلقة الـ 30 في (الحشاشين)".
نرشح لك: قتل طيفور وسليمان وانضمام يحيى لـ قلعة آلموت خلال أحداث الحلقة 21 من "الحشاشين"
من جانبه قال الفنان كريم عبد العزيز، إن المشاهد لا يجب أن يحب شخصية حسن الصباح، لافتا إلى أنه حدث خلط لدى المشاهدين بسبب حبهم له كفنان لذلك وقعوا في حب حسن الصباح.
أوضح: "فيه ناس قالت إحنا حبينا حسن الصباح، أنت ماينفعش تحبه.. من وجهة نظري هما حبوا شخص مش شخصية، هما بيحبوا كريم عبد العزيز، حصل نوع من الخلط.. المشاهد يكرهه لكن أنا مينفعش أكرهه، لأن لو كرهته أعتذر عن المسلسل، لازم مش أحبه لكن أصدق منطقه علشان أقدر أمثله".
وعن جدل اللهجة العامية في مسلسل "الحشاشين"، أوضح: "أنا شايف أن المسلسل يبقى باللهجة العامية المصرية لأن الهدف من أي عمل في الدنيا أنه يوصل لأكبر عدد ممكن من المشاهدين، واللهجة العامية سهلت وصول المسلسل، خصوصا للجيل الجديد".
أما عن كواليس مشهد العاصفة في "الحشاشين"، قال: "مشهد المركب اتصور في 8 ساعات.. بكل المقاييس تصوير مشهد بهذا الحجم برا مصر وبفريق عمل أجنبي والمخرج ياخد كل اللي هو عايزه ومايسيبش تفصيلة، ده من عظمة بيتر ميمي في الشغل، منظم جدا".
أردف: "أنا شربت مياه يومها مشربهاش غريق، هما صوروا في مالطا، وإحنا واقفين في المركب وشلالات المياه جاية من الدور التاسع، فغرق بجد علشان يبقى المشهد حقيقي.. بعتبر نفسي محظوظ إني عملت (الحشاشين)".
