نيللي كريم عن "فراولة": الناس بتقول فين الدراما والمعاناة؟

تحدثت الفنانة نيللي كريم عن ردود الفعل على مسلسل"فراولة"، الذي عرض في النصف الثاني من رمضان، وعن إيمانها بالعلاج بالطاقة.

قالت "كريم" خلال لقائها مع "et بالعربي": "ردود أفعال الناس على المسلسل مختلفة، ناس بتقول وحشيتنا في الكوميديا وحمد لله على السلامة، وناس بتقول فين الدراما والمعاناة واضح أن الناس بتعشق المعاناة.. بنتي كلنت قاعدة جنبي وقالت لي ماما أنا بحبك في الدراما أوي، قولتلها هو لازم يعني انكد عليكي، اديني فرصة أتنفس".

وعن معرفتها بعلوم الطاقة أوضحت: "أنا اتفرجت على بعض الفيديوهات للناس اللي بتطلع في برامج، وبصيت على اللي بيحصل في العالم كله، لأن موضوع الطاقة ده محتاج دراسة وتبقي مركزة وحابة الحاجة اللي أنتي بتعمليها".

اشارت: "في حاجات وارثينها عن أجدادنا، زي ده وشه شؤم، ده حسدني، حتى المصطلحات بتاعة الناس الكبيرة هتلاقي فيها الحتة دي، مش بعمق أوي".

من جانبه تحدث الفنان توني ماهر عن كواليس المسلسل قائلا: "كواليس العمل جميلة جدا، لأن معظم الناس اللي مثلت قدامها في المسلسل علاقتي بيها كويسة ومثلت معاهم قبل كده، والتصوير هادي، وكان في تركيز طول الوقت".