صبري عبد المنعم: لما زرت الكعبة شاهدت من النور والكرامات
روى الفنان القدير صبري عبد المنعم تفاصيل مواقف عديدة في حياته لا يناسها، وكشف عن علاقته الوثيقة بالله والرؤى التي يراها بين الحين والآخر ورؤيته للنبي صلي الله عليه وسلم.
وقال الفنان ضيفا في حلقة جديدة من برنامج (كلم ربنا مع أحمد الخطيب) على الراديو 9090: "أنا شفت العدرا وكلمتها وكلمتني.. وشفت رُسل وأنبياء وصالحين بعيني.. وشفت حضرة سيدنا النبي كتير جدا الحمد لله. ولما رحت له المدينة وزرت الكعبة الشريفة شاهدت من النور والكرامات والنفحات اللى يسعد أي إنسان".
نرشح لك: مصطفى بكري عن رؤية لوالدته تحققت في محطات حياته
أضاف "ربنا سندي في كل حياتي وفي شدتي وفي كل لحظة صعبة. وأنا اتعرضت في حياتي لمواقف أصعب من بعض. ومعرفش لحد النهاردة عديت منهم ازاي".
تابع الفنان صبري عبد المنعم حديثه قائلا: "أكتر موقف كلمت فيه ربنا وناجيته بالدموع لما أبويا أصر يدخلني ثانوي فني وانا كنت عاوز ادخل ثانوي عام علشان أروح معهد فنون مسرحية، ويشاء ربنا إني وانا داخل المدرسة الثانوية الميكانيكية ألاقي قاعة اسمها (المسرح المدرسي) وبيجيبوا لنا أساتذة وخريجين من معهد الفنون المسرحية علشان يدربونا ويعلمونا مسرح. والحمد لله ربن رضاني وأوجد لي الشئ اللي أنا بحبه في المكان اللي مكنتش عاوز أروحه. وبعدها ذاكرت ثانوية عامة علشان أدخل المعهد، وقتها بكيت بكاء شديد وقتل وما زلت بقول في كل دعاء وبعد كل صلاة علمك بحالي يُغني عن سؤالي".