كلمات أغنية "بضيع وقت" لـ رامي جمال
طرح الفنان رامي جمال ألبومه الجديد "خليني أشوفك" عبر قناته الرسمية على موقع الفيديوهات "يوتيوب"، ومن بين أغاني الألبوم، أغنية "بضيع وقت".
أغنية "بضيع وقت" من كلمات عادل السيد وألحان فارس فهمي وتوزيع فارس فهمي ومكس وماستر محمد مجدي وجيتار أحمد حسين.
وجاءت كلمات الأغنية كالتالي:
بضيع وقت أنا وأنت وإيه هيفيد
محدش فينا م الآخر حاسس بأمان
ولو في جرح في قلوبنا آديه بيزيد
ولو قولنا إللي جوانا الوجع هيبان
أنا رأيي منستناش.. ما دام مع بعض مارتحناش
ولو سألوا نبعد ليه.. نقول لسه نصيب ده مجاش
حكايتنا خلاص مفهاش.. لا مجني عليه ولا جاني
حاولنا كتير ومقدرناش.. محدش راضي بالتاني
هسيبك يعني أنا مضطر.. ومش بتمنى ليك الشر
وبدعيلك تلاقي البر.. وتنسى بسرعة أحزاني
بنتحمل وطول الوقت بنحاول وبنجمل
لكن فعلا بقت صعبة إننا نكمل
ومين كان نفسه يعني نسيب
وهنسلم تعبنا أنا وأنت في الآخر وهنسلم
حرام نفضل سنين تانية بنتألم
لازم نرضى وخلاص ده نصيب
يضم ألبوم "خليني أشوفك" لـ رامي جمال 15 أغنية هي: خليني أشوفك، بقول وأكدب، بضيع وقت، فستانك أبيض، شاهد الله، أوقات، أهو، قلبي خام، عادي انساك، أنت مين، سوء تفاهم، قولي أه، ذكريات هوانا، بيكلموني، هنسى اسمك.