عمرو الورداني يوجه رسالة للزوج الذي يمنع زوجته من زيارة أهلها

ورد سؤال للدكتور عمرو الورداني، أمين الفتوى بدار الأفتاء المصرية، على سؤال تقول صاحبته إن زوجها يمنعها من زيارة أهلها، فماذا تفعل؟.

قال "الورداني" خلال حلقة اليوم من برنامج "ولا تعسروا" المذاع عبر شاشة "الأولى المصرية"، إن زيارة الأبوين من بر الوالدين، والزوج ليس من حقه أن يمنع زوجته من الذهاب لأهلها، لأن هذه طاعة، ومنع إنسان من الطاعة الواجبة عليه نوع من أنواع الإثم والعدوان.

أشار: "أنت لما تمنعها تروح لأهلها بتمنعها من الطاعة وبتساعدها على الإثم والعدوان، ولازم تفهم أن لما تمنعها عن أهلها المشاكل هتزيد مش هتقل، الزوج اللي بيغير على زوجته من أهلها أو بيخاف أن كلامهم معاها يأثر على علاقته بيها ده مش حله إنك تمنعها، الحل أنكم تقربوا من بعض أكتر".

نرشح لك: 8 تصريحات من حسام حداد عن تغطية أهم البطولات الكروية

أردف: "لو عايز حسن العشرة يبقى تدعم علاقتها بأهلها حتى لو كان في بعض الصعوبات تتكلم أنت وهي إزاي تتجاوزوا الصعوبات دي.. متوصلكش كلام والدتها اللي بتتكلم فيه عنك ولو فيه حاجة تعالي نتكلم فيه مع بعض، مينفعش علاقتنا تتسمم بطرف تالت".

فيما وجه "الورداني" نصيحة للزوجة بشأن هذا الأمر قائلا: "أنتي ممكن تقربي من زوجك وتتكلمي معاه هيقلل كتير عشان الغيرة أنه عايزك معاه أطول وقت ممكن، وتنقلي كلام إيجابي من أهلك عنه حتى لو مكنش مصدقه، ولازم تقعدي معاه وتفهميه إنه كل ما بيحترم أهلك بيكبر في عينيك أكتر".