في عيد ميلاده.. محمد مهران يفتح قلبه للجمهور
وجه الفنان محمد مهران، رسالة للجمهور بمناسبة حلول عيد ميلاده، فتح من خلالها قلبه لهم وكشف عن أحواله خلال العام الماضي.
كتب "مهران" عبر حسابه الشخصي على موقع "إنستجرام": "سنة جديدة في عمري بتبدأ انهاردة أتمنى فيها الخير لكل الناس وليا وبحمد ربنا على كل حاجة حصلت لي السنة اللي فاتت والحقيقة إنها كانت سنة مش عادية حصلت فيها أحداث صعبة كتير أهمها رحلة مرض والدي الله يرحمه ومن بعدها وفاته.. ادعوله بالرحمة والمغفرة.
تابع: "وفي خلال الرحلة دي وبعدها بفترة كنت مكتئب ومحبط بس في الآخر فوقت وبقيت بحمد ربنا على كل حاجة حصلت لي لأن أكيد أنا اتعلمت منها حاجات هتفيدني في السنين اللي جاية ".
أضاف: "شكرا لكل شخص كان معايا في السنة دي وبالتحديد عائلتي اللي بحبهم وهما أهم حاجة زين ومي إنتم كل الدنيا ويارب كل سنين حياتنا نبقي مع بعض".