أحمد السقا: معنديش مشاكل مع حد في الوسط الفني
قال الفنان أحمد السقا، إنه على علاقة طيبة بجميع الفنانين في الوسط الفني، وليس بينه وبين أحد مشكلات ولا يحمل ضغينة لأحد.
أضاف "السقا" خلال لقائه مع الإعلامية إنجي علي، في برنامج "أسرار النجوم" المذاع عبر راديو "نجوم إف إم": "قانون الصحوبية من وجهة نظري كتف في كتف، يا نعيش عيشة فل يا نموت إحنا الكل.. وكل الناس في الوسط الفني زمايلي وحبايبي وأصحابي وأخواتي".
أشار: "مفيش مشاكل بيني وبين حد ولا عندي ضغينة لأي حد، حتى اللي جرحني منهم أنا مسامح، وهو عارف نفسه وأنا بتكلم دلوقتي، في صديق جرحني ومكلمتوش ولا قولت له حاجة، وعسى أن تكرهوا شيئا وهو خيرا لكم، يمكن مضايقته تبقى سبب سعدي"
نرشح لك: بشهادة عمه.. طارق الشناوي يدافع عن "وطنية" أم كلثوم
أردف: "أنا ممكن مجيش عيد ميلاد أو فرح لكن لو في شدة هتلاقيني أول واحد، ومبقولش كده إني بدعي تواضع أو بتمنظر، دي حقيقة اتربينا عليها، أنا شوفت أبويا بيعمل كده".