كلمات أغنية "يا ترى ليه" من فيلم "بنقدر ظروفك"
طرحت الشركة المنتجة لفيلم "بنقدر ظروفك" أغنية "يا ترى ليه" وهي الأغنية الدعائية للفيلم، الذي من المنتظر عرضه يوم 22 مايو الجاري.
أغنية "يا ترى ليه" بصوت أحمد الفيشاوي ومي سليم ونسرين طافش، كلمات وألحان وتوزيع طاهر طاهر.
هو يا ترى ليه؟ صعب نسند على بعض
صعب عليا إن أنا أشوفك ضحية
من غير ما أحس بأي مسئولية
كل اللي حواليا أنانية
إنما أنا أخلاق مثالية
في الإنسانية مية مية
زي السلاحف الربح في البطء
زي الكواكب الكعب ده داير
سندت العماير ودايخ من الصبح
أنا فتحت بقالة عندنا في الحارة
طلع مني الروح بقيت بشتري بالجملة
وبقصص ونصص الربع والثمن للكل
بنسند بعض في الوقت الصعب
ودي أجمل ودي أجمل.. أجمل حاجة فينا
من الكيلو أعمل أنصاص وأرباع.. بخليها تكفينا
ودي أجمل ودي أجمل.. أجمل حاجة فينا
كسب الإنسان اللي يقدر الإنسان
أنا عندي أخوات وأصحاب وكتير جيران
الأوقات صعبة الأسعار فتوات
بس أنا وحبايبي هنبقى تمام
عشان أنا كسبان طول ما أنا إنسان.. قدرني
غليت وإحنا مش غلابة.. لا مش غلابة
ادي غيرك من منابك
للمحتاجين اعمل حسابك
ساندني وأنا أكون سند لك
حبتني اشتري مني حاجة
تشتغل تفرح أيامك
لسه جدع اللي يقدر ظروف الناس.. كسبان
نرشح لك: شيرين تقاضي روتانا بسبب أغنية "الدهب"
فيلم "بنقدر ظروفك" من بطولة الفنان أحمد الفيشاوي، مي سليم، نسرين طافش، طاهر أبو ليلة، عارفة عبدالرسول، محمد محمود، وغيرهم من النجوم، وهو من تأليف سمير النيل، وإخراج أيمن مكرم.
وتدور أحداث فيلم "بنقدر ظروفك" حول قصة حب حسن وملك اللذان يعيشان في حارة فقيرة، ومدى صمود وتأثر حبهما في هذه الأجواء المليئة بمصاعب الحياة وتقلباتها ومؤامرات البشر.