كلمات أغنية "بنقدر ظروفك" لـ أحمد شيبة

طرحت الشركة المنتجة لفيلم "بنقدر ظروفك" الأغنية الدعائية للفيلم بصوت الفنان أحمد شيبة، عبر قناتها الرسمية على موقع الفيديوهات "يوتيوب"، ومن المنتظر عرض الفيلم يوم 22 مايو الجاري بدور العرض السينمائية.

أغنية "بنقدر ظروفك" بصوت أحمد شيبة، ‎كلمات رضا المصري، ‎ألحان خالد سلطان.

وجاءت كلمات أغنية "بنقدر ظروفك" على النحو التالي:

ليه تبقى عايش وسط ناس في إيديها لعبة

يا عم جرب حظك والعب بأي لعبة

فتح عينيك مه يا ما ناس لعبت معاها

ولا أنت عايز تتلهي وتفرح بلعبة

بنقدر ظروفك مش عايزين نشوفك

لا بتشكي يوم من أوجاعك يا إما تقبل بظروفك

ما تحطش إيدك على خدك وتقول للحظ يجي لحدك

يا تعيش على الدنيا ولك قيمتك يا تدور على حد يشوفك

ما هو كله بيلعب على كله.. كله بقى مفتح على كله

وفي ناس بتدور على اللقمة وفي ناس طمعانة في العيش كله

الطمع اتسبب في عمانا.. سهانا وخدنا على خوانة

وبقينا بنعيب على الطيب ونحط عليه كأنه أذانا

خد الجديد ومتتخضش بقى سوق كبير وما ينفضش

عيون بتنام وبتدي أمان وناس بتدور وتفتش

عاجبك كلامي قولي موافق.. عايز تعيش غش ونافق

يا تعيشها بمبدأ وابن أصول وأصبر وربك بيكافئ

بنقدر ظروفك

صبح الجشع شيء متداول والكل أصبح بيحاول

عايزك تصدق وتأمن مبقاش في واحد يتأمن

أمن له كده واطمن له يرميك من الدور التامن

الكدب بقى مهنة وكرنا بنغني كلامه في أشعارنا

ونزلنا من عين بعضينا ويوماتي تنزل أسعارنا

يا تعيش متلفح بكسوفك يتراجع على كل كشوفك

قالوا في الأمثال دمعة عينك ما يمسحهاش إلا كفوفك

خد الجديد ومتتخضش بقى سوق كبير وما بينفضش

عيون بتنام وبتدي أمان وناس بتدور وتفتش

عاجبك كلامي قولي موافق.. عايز تعيش غش ونافق

يا تعيشها بمبدأ وابن أصول وأصبر وربك بيكافئ

بنقدر ظروفك

فيلم "بنقدر ظروفك" من بطولة الفنان أحمد الفيشاوي، مي سليم، نسرين طافش، طاهر أبو ليلة، عارفة عبدالرسول، محمد محمود، وغيرهم من النجوم، وهو من تأليف سمير النيل، وإخراج أيمن مكرم.

وتدور أحداث فيلم "بنقدر ظروفك" حول قصة حب حسن وملك اللذان يعيشان في حارة فقيرة، ومدى صمود وتأثر حبهما في هذه الأجواء المليئة بمصاعب الحياة وتقلباتها ومؤامرات البشر.