أميرة هاني: "مش عارفة اختار شغل جديد والسبب عبلة كامل"
تحدثت الفنانة أميرة هاني، عن كواليس تعاونها مع الفنانة القديرة عبلة كامل، في مسلسل "سلسال الدم"، والذي حقق نجاحًا كبيرًا وقت عرضه.
أوضحت أميرة هاني، خلال مداخلة مع الإعلامية نهال طايل ببرنامج تفاصيل، المذاع عبر قناة صدى البلد 2، قائلة: "التعامل مع الفنانة عبلة كامل مختلف تمامًا، كنت بحس إني بتعامل مع ماما، مش في الوسط الفني، وهي شخصية طبيعية تلقائية بتحب جدًا اللي حواليها، متقدرش هي تشتغل مع حد وهي مش بتحبه، وشخصية هادية وملتزمة وبتشتغل على الورق بشكل مش طبيعي، وأنا حبيت الشغل معاها، وبسببها أنا مش عارفة اتأقلم مع حد تاني أو أي دور تاني".
نرشح لك: صور نادرة لـ عايدة عبد العزيز على خشبة المسرح
وقالت أميرة هاني: "مش عارفة اختار أدوار عشان مبقاش في نفس الروح، والحب والحاجات اللي شوفتها مع عبلة كامل".
وكدت أميرة هاني، على أنها لا تشعر بالظلم بسبب غيابها عن الساحة الفنية، قائلة: "أنا الحمد لله مش حاسة بالظلم، لكن أنا ماجاليش اختيار مناسب بعد النجاح اللي حققته في مسلسل سلسال الدم، وأنا مش عايزة أنزل أي حاجة وخلاص عشان أفضل موجودة، بحب أقدم حاجة أنا بحبها زي ما عملت (حجر جهنم) و(ابن الارندلي) مع د. يحيى الفخراني".