سبب خوف لبنى ونس على نجلها يوسف من دخول التمثيل
تحديت الفنانة لبنى ونس، عن خوفها من التحاق نجلها بمعهد الفنون المسرحية، ودخوله مجال التمثيل.
قالت "ونس" خلال لقائه هي ونجلها يوسف عمر، مع "Gossips": "الشباب في المهنة دي لو ربنا مكرمهمش كموهبة أو خدوا فرصة بأنه يفتح بيت أو يبقى مسؤول الموضوع خطير".
أضافت أنه ليس لها الحق في اختيار زوجة نجلها، لافتة: "ماليش الحق في اختيار مرات ابني، هو أنا اللي هعيش معاها، أنا هقزل رأيي هو ياخد بيه أو لا ماليش دعوة، عشان يتحمل نتيجة اختياراته".
أوضحت: "موافقش أن ابني أو بنتي يعيشوا بعيد عني، أنا معنديش غيرهم وأنا مش الأم اللي يتضايقوا مني، ليه يسيبوني، مسيرهم في الآخر هيتجوزوا ويسيبوني، طالما مش متجوزين خليهم معايا".
في سياق آخر، قالت اليوتيوبر أية شعيب، ابنة الفنانة لبنى ونس، إن والدتها متفانية جدا في عملها وعلاقتها بكل من حولها، وهو ما تعتبره مرهق بالنسبة لها.
تابعت خلال لقائها هي ووالدتها مع الإعلامية إيمان الحصري، في برنامج "مساء dmc": "ماما مش من نوع الأمهات اللي كل شوية يقول أنا عملت وسويت عشانكم، هي مش محتاجة تتكلم.. هي ضحت بجد، وأنا حاولت أغير في شخصيتي عشان أسندها".
أضافت: "هي طيبة لدرجة كبيرة وأي حد بيغلط عندها له مساحات غفران كبيرة أوي ومتفانية أوي في علاقاتها، وبتوافق على أي حاجة تخص شغلها".
أردفت: "ماما لحد دلوقت بترد على أي أرقام غريبة عشان كده تليفونها بيرن 24 ساعة، بقولها بطلي تردي تقولي افرضي حد محتاج حاجة".