أمين الفتوى: وسائل الاتصال فتحت على الناس أبواب شر
أجاب الشيخ عويضة عثمان، أمين الفتوى بدار الإفتاء المصرية، على سؤال "ما حكم الرجل الذي يتحدث مع زميلاته في الهاتف بدون علم زوجته؟".
قال "عثمان" خلال لقائه في برنامج "فتاوى الناس" على قناة الناس: "في أي شيء يتحدث؟ هل العمل اللي بينهم يستدعي هذا؟ وبيتحدثوا في العمل بأدب وأخلاق؟ لو كده.. طيب ليه من ورا الزوجة؟".
تابع: "قد تكون الزوجة بتغير شوية وهتعمله مشكلة، طيب أنت بتتكلم في العمل، أما لو كان كلام خارج نطاق العمل، ليه؟ وطبيعة الكلام إيه؟"
استكمل: "وسائل الاتصال فتحت على الناس أبواب شر، وسهلت الكلمة والتعبير، خلت الواحد يعبر براحته لأن محدش سامعه، إحنا محتاجين نضبط أخلاقنا شوي".
اختتم: "هل فيه داعي إن أنا أتصل بزميلتي في حاجة بنجهزها للشغل؟ يبقى قدام الزوجة والكلام واضح وكذلك لو هي متزوجة وزوجها يسمح أنها تتكلم وتشوف الشغل، مفيهاش حاجة فيه ناس متفهمة، أما إن كان الأمر لا يتعلق بعمل، لماذا تتصل؟".