هل يعود لـ ياسمين عبد العزيز؟.. أحمد العوضي يوضح
تحدث الفنان أحمد العوضي، عن إمكانية عودته للفنانة ياسمين عبد العزيز، موضحا أنه لا يوجد خلاف بينهما.
أضاف "العوضي" خلال مداخلة هاتفية مع الإعلامي عمرو الليثي في برنامج "واحد من الناس" المذاع عبر شاشة "الحياة": "أنا قولت إن أنا بحب ياسمين جدا وهي كمان بتحبني والحقيقة اللي سائد الاحترام والود والحب، إحنا بينا كل حاجة حلوة".
أوضح: "مفيش بينا أي خلاف وإن شاء الله لو ربنا كاتبلنا هنرجع، ولو رجعنا هنقول.. ياسمين عندي حاجة كبيرة جدا زي ما أنا عندها حاجة كبيرة وأتمنى لها كل حاجة حلوة في الدنيا".
أما عن تقديمه لشخصية البطل الشعبي، في أعماله، قال: "اللي بيشدني إني أقدم شخصية البطل الشعبي، إن نشأتي شعبية وكنت مهووس من وأنا صغير بجدعنة ولاد البلد وطيبتهم وشهامتهم".
أردف: "كنت بحلم لما أبقى بطل أقدم الصورة دي، وأوضح إن البطل الشعبي مش بس لازم يبقى بيضرب ولا الحاجات دي، ممكن يبقى بينصر الحق ومتمسك بالعادات والتقاليد".