بعد دهسه شخصاً.. عصام صاصا يبرر عودته للعمل
علق مطرب المهرجانات عصام صاصا، على اتهامه بالقتل الخطأ والتسبب فى وفاة عامل عقب دهسه بسيارته، موضحا سبب عودته لاستكمال النشاط الفني في الوقت الراهن.
قال "صاصا" عبر منشور له عبر حسابه الرسمي على موقع التواصل الاجتماعي "فيس بوك": "ربنا وحده يعلم أنا بكتب الكلام ده وأنا عامل إزاى و فيا إيه.. أنا بقالي أكتر من شهر قاعد من غير شغل ومعنديش أي حاجه أعملها غير إني قاعد وما باليد حيلة ومستني قضاء ربنا سبحانه وتعالى ومحدش هيفهم أو هيحس بالموضوع غيري".
أضاف: "أنا مطلعتش اتكلمت وعدت وزدت في الموضوع كتير ومحدش شافني حتى بفيديو قولت أي كلمة خالص"، موضحا أنه مسئولا عن عقود والتزامات واجبة التنفيذ وإلا سيضطر لدفع شروط الجزاء، هو غير قادر عليها، مضيفا: "أنا هنزل شغلي وهشتغل، لأن مش بإيدي أي حاجة غير إني أعمل كده".
تابع أنه يتحمل مسئولية 35 شخصًا يعملون في فرقته إلى جانب والدته وشقيقة وزوجته ونجله، موضحا أنه ما زال شاب في مقتبل العمر يبدأ حياته، ولديه مصاريف عديدة للمنزل وأقساط أخرى، متسائلا: "أنتوا ماتعرفوش عنها حاجة، مين اللي هيدفعها؟".
وجه رسالة للجمهور، قائلا إنهم يجب أن يفهموا أن ما يستمعوا إليه ليس كله صحيحا، فلا يوجد فلوس وقصور وسيارات، مؤكدا:
"الناس اللي شاغلين معايا كل دول حالهم واقف بسببي، كل دول ليهم بيوت وعيال ودنيا تانية خالص، وعارف ومتاكد أن ربنا مش هيورينا الشر ومش هيوريني أي حاجة وحشة".
اختتم: "ده ابتلاء من عند ربنا سبحانه وتعالى، وأنا راضي بكل حاجة ومش هقول غير الحمد لله على كل شئ.. والحمدلله واللي ربنا كاتبهولي هشوفوا؛ سوا خير أو شر.. محتاج من كل الناس اللي بتحبني تدعيلي من قلبها بجد.. أنا عمري ما كنت شخص مؤذي وعمري ما كنت شخص وحش مع حد، ربنا كبير.. وحشتوني أوي يا أحلي جمهور في الدنيا".
في سياق متصل، أحالت جهات التحقيق المختصة بالجيزة، قضية عصام صاصا مطرب المهرجانات المتهم بالقتل الخطأ والتسبب فى وفاة عامل عقب دهسه بسيارته لمحكمة الجنايات.
وكانت نيابة العمرانية، أصدرت في وقت سابق، قرارًا بضبط وإحضار عصام صاصا، مطرب المهرجانات، في واقعة اتهامه بدهس أحد الأشخاص أعلى الطريق الدائري بالطالبية.
جاء القرار عقب ورود تقرير مصلحة الطب الشرعي بشأن إيجابية تعاطي عصام صاصا للمواد المخدرة وقت قيادته لسيارته، أثناء حادث دهس المجني عليه وقتله عن طريق الخطأ.
وثبت بتقرير الطب الشرعي الخاص بالمطرب عصام صاصا، ظهور آثار لمخدر الحشيش وكذا الترامادول، وأيضا مشتقات الميثامفيتامين وعليه قررت النيابة ضبطه وإحضاره في قضية دهس شاب اعلى الطريق الدائري، بعد ثبوت القيادة تحت تأثير المخدر.