طاهر أبو زيد: مصطفى شوبير أفضل من والده
قال طاهر أبو زيد، لاعب النادي الأهلي ووزير الرياضة الأسبق، إن الحارس مصطفى شوبير أفضل من والده أحمد شوبير في حراسة المرمى، موضحا أن حارس الأهلي محمد الشناوي من أفضل الحراس عبر التاريخ.
أضاف "أبو زيد" خلال لقائه مع الإعلامي شريف عامر المذاع في برنامج "يحدث في مصر" عبر شاشة "mbc مصر": "قولت لشوبير مصطفى حسسنا إنك مكنتش جول، أنا قاصد أقوله إنه مصطفى أحسن منك، لكن شوبير تاريخ كبير، مصطفى أكثر موهبة ومرونة من أبوه، عنده ثقة بالنفس وبيلعب برجله".
نرشح لك: انتهت بشكوى ضد الأخير.. تفاصيل أزمة شيكابالا وإبراهيم سعيد
أوضح: "أنا بعتبره هو والشناوي هيخافظوا على بطولات كتير للأهلي في المرحلة المقبلة.. النادي الأهلي فيه روح هي اللي بتجسد الانتصار، في ألفه وتماسك بين اللاعبين ولو ده مش موجود مش هيكسب البطولات".
أشار: "الشناوي حارس كبير ومن أفضل الحراس عبر التاريخ، وعاش مع مصطفى 4 أو 5 سنين، ولما يشوف لاعب أصغر منه أكيد هيفرح له، لو هو من جواه كويس، والشناوي كده، والجزء الثاني أنه قائد للفريق والقائد لازم يكون قدوة".