نجوى فؤاد: اتجوزت أحمد رمزي 17 يوم ومعجبتش رشدي أباظة
كشفت الفنانة والراقصة نجوى فؤاد، العدد الحقيقي لزيجاتها، نافية ما تردد ويشاع عن زواجها 15 مرة، موضحة أنها لم تتزوج الفنان عماد عبد الحليم.
قالت "فؤاد" خلال استضافتها ببرنامج "شاي بالياسمين" تقديم الاعلامية ياسمين الخطيب المذاع على قناة "النهار"، بأنها تزوجت 5 مرات ومرة عرفي، لافتة إلى أنها لم تتزوج الفنان الراحل عماد عبد الحليم وكل ما أثير حول زواجهما غير صحيح.
تابعت: "لم أتزوج عماد عبد الحليم على الرغم من إن شرف ليَّ إني أتجوزه، هو كان أصغر مني بكتير وعايش حياة تانية لإنه شاب صغير".
تابعت: "أحمد رمزي اتكتب كتابي عليه 17 يوم بس لأنه كان زعلان من مراته وأنا مطلقة من أحمد فؤاد حسن بقى لي 3 شهور فعرض عليَّ الزواج فوافقت وبعدين رُحت أمريكا ورجعت لقيته اتصالح مع مراته فاتطلقت منه على طول".
نرشح لك: فردوس عبد الحميد: تركيبة منى زكي ليست كـ"أم كلثوم"
اشارت: "أحمد رمزي قال لي يا نجوى أنا رجعت لمراتي علشان باكينام بنتي وعايز أظبط حياتي فقلت له أنا كمان عايزة أشوف مستقبلي ومش هنخسر بعض وفي نفس اليوم اللي اتطلقت فيه اتعشيت مع مراته وتقبلنا الموضوع".
أردفت: "قولت لرشدي أباظة هتتجوزني قال لي أنتي أسلك بيكي سناني، مبحبش الست المفعوصة، ومعجبتوش".