"صالحته وهو أخويا الكبير".. أحمد فتوح يتحدث عن علاقته بـ شيكابالا

تحدث لاعب الزمالك أحمد فتوح، عن تفاصيل خلافه مع شيكابالا، مؤكدا أنه كان مجرد سوء تفاهم، وأنهما تصالحا فور مقابلته له في النادي، واصفا إياه بـ "الأخ الكبير".

قال "فتوح" خلال حواره مع الإعلامي إبراهيم فايق في حلقة مساء الجمعة من برنامج "الكورة مع فايق" المذاع عبر شاشة "mbc مصر"، إن ما حدث كان سوء تفاهم ومن ثم تصالحا على الفور عند أول مقابلة جمعتهما بالنادي، حيث إنه اعتذر له وانتهى الخلاف نهائيا.

أضاف: "قولت له متزعلش يا شيكا أنت أخويا الكبير وحقك عليا، ومش الانستجرام اللي هيزعلنا من بعض، وأنت عارفني لما أكون عصبي، والموضوع خلاص".

تابع أن شيكابالا كان من أول الداعمين له في بداياته، موضحا: "هو طبعا قلبه أبيض.. وهو بيعزني وبيحبني جدا ومن أول ما طلعت شيكا وطارق حامد وجنش وأحمد الشناوي، الأربعة دول بيحبوني ومن أول ما طلعت وهما في ضهري وليا غلاوة خاصة عندهم، لأني ابن النادي".

وفي سياق متصل، كان شيكابالا، قد تحدث عن رأيه في أحمد فتوح، خلال حلوله ضيفا على الإعلامي إبراهيم فايق في برنامج "الكورة مع فايق"، موضحا: "فتوح زملكاوي وفعلا كان عايز يقعد، فتوح ده زملكاوي مجنون يعني ده متربي في النادي، والناي اللي قالت إنه مضى مع الأهلي اتأسفوا له، وطلعوا قالوا إن اللاعيبة الكبيرة مش عايزاه.. مين اللي مش هيبقى عايز فتوح في فرقته! وبقوله علطول لو أنت فايق تكسب الزمالك كله.. وبقوله أنت أحرف لاعيب في الفرقة دي، وبحب أتفرج عليه".

نرشح لك: انتهت بشكوى ضد الأخير.. تفاصيل أزمة شيكابالا وإبراهيم سعيد